Home » Horyaalada » Spain » Real Madrid Oo Weydiisan Doonta Xiriirka K/Cagta Spain In Finalka Copa del Rey Lagu Qabto Camp Nou.

Real Madrid Oo Weydiisan Doonta Xiriirka K/Cagta Spain In Finalka Copa del Rey Lagu Qabto Camp Nou.

Waxaa Qoray:

Taariikh: 28-February-2013

20130227dasnasftb_48

Real Madrid ayaa weydiisan doonta xiriirka kubada cagta Spain in finalka Copa del Rey lagu qabto garoonka Camp Nou ee kooxda Barcelona, sida ay ku warameyso jariirada AS.

Kooxda Los Blancos ayaa la filayaa inay hordhigto xiriirka dood la mid ah tii finalkii sannadkii hore ee Athletic Bilbao iyo Barcelona ee la doonayay in lagu qabto Santiago Bernabue taasoo aheyd inuu yahay garoon dhexdhexaad ah islamarkaana taageerayaal badan uu qaadayo.

Hadii dalabkooda la aqbali waayo, sida AS ay sheegeyso Madrid ayaa soo jeedin doonta in finalka Copa del Rey lagu qabto garoonka Valencia ee Mestalla ama kan Sevilla ee Olympic Stadium oo sidoo kalena loo yaqaano La Cartuja.

Madrid ayaa cadaadis kala kulantay sannadkii hore xiriirka kubada cagta Spain oo ku aadanaa in finalka lagu qabto Bernabeu, laakiin kooxda ayaa si aad ah uga soo horjeeday inay ogolaadaan in kooxda ay xafiiltamaan ay koob ku qaado garoonkooda.

Waxaana ay ay ku doodeen in dayactir lagu sameeyno kuraasta garoonka iyo suuliyada garoonka, taasoo markii danbe keentay in finalka Copa del Rey lagu qabto garoonka Atletico Madrid ee Vicente Calderon, waxaana Barca ay koobka ku qaaday 3-0 oo ay ku garaacday Bilbao.

Capture