Home » Horyaalada » Spain » Atletico Madrid Oo Finalka Copa Del Rey Wajihi Doonta Real Madrid Ka Dib Markii Ay Ka Soo Gudubtay Sevilla.

Atletico Madrid Oo Finalka Copa Del Rey Wajihi Doonta Real Madrid Ka Dib Markii Ay Ka Soo Gudubtay Sevilla.

Waxaa Qoray:

Taariikh: 28-February-2013

259067hp2

Finalka Copa del Rey ee xilli ciyaareedkan ayaa ah mid u dhaxeeya kooxaha caasimada Spain ka dhisan ka dib markii Atletico Madrid ay iyadana buukimatay tikidhkeeda finalka koobka markii ay barbaro 2-2 ah la galeen Sevilla lugta labaad ee semi-finalka iyadoo labada lug ay ku soo baxeen 4-3.

Atletico Madrid ayaa lugtii hore ee ka dhacday garoonkeeda waxa ay ku soo badisay 2-1, waxaana barbarahan ay gashay ay ka saaciday inay u gudbaan finalka koobkaan.

Kooxda Diego Simeone ayaa labada gool ku hormaray ciyaartii xalay ee lugta labaad iyagoo uga mahadcelinaya goolal ay u kala dhaliyeen Diego Costa iyo Radamel Falcao, halka Jesus Navas iyo Ivan Rakitic ay u barbareeyeen kooxda martida loo ahaa.

Atletico Madrid ayaana finalka koobkaan la ciyaari doonto deriskooda Real Madrid kuwaasoo habeen hore ka soo talaabsaday semi-finalka kooxda Barcelona, halka Sevilla ay seegtay fursad ay ku qaadi laheyd koobkii ay ugu danbeysay 2010.