Home » Champions League » UEFA Oo Ganaax 2 Kulan Ah Ku Soo Rogtay Ibrahimovic & Iyagoo Diiday Dacwadii Schalke Ee Didier Drogba.

UEFA Oo Ganaax 2 Kulan Ah Ku Soo Rogtay Ibrahimovic & Iyagoo Diiday Dacwadii Schalke Ee Didier Drogba.

Waxaa Qoray:

Taariikh: 27-February-2013

ibrahimovic

Weeraryahanka Paris St Germain Zlatan Ibrahimovic ayaa labo kulan oo ganaax ah waxaa ku soo rogtay caawa UEFA ka dib markii uu casaan qaatay kulankii lugta hore ee wareega 16ka Champions League.

Xiddiga reer Sweden ayaa casaan toos ah la siiyay dhamaadkii ciyaartii ay PSG 2-1 kaga badisay Valencia ka dib markii uu ku joogsaday Andres Guardado.

Ibrahimovic ayaana maqnaan doona kulanka lugta labaad ee Paris ka dhacaya 6da March iyo kulanka lugta hore ee wareega 8da hadii kooxda Faransiiska ay u soo gudubto.

UEFA ayaa sidoo kale diiday dacwadii Schalke 04 ee ku aadaneyn weeraryahanka Galatasaray Didier Drogba iyagoo ku andacoonayay in Drogba sharci ahaan aysan aheyn inuu ciyaaro kulankaas, iyagoo sheeganayay inaan si rasmi ah loo diiwaangelin.

“Ka dib markii ay arkeen dhamaan dukumiintiyada gudigeena dishibiliinka waxaan go’aansanay inaan diidno cabashadii ay sameysay Schalke” ayaa lagu yiri warbixin ay soo saartay UEFA.