Home » Latin America » Video: Mid Ka Mid Ah Taakaladii Ugu Xumaa Abid Oo Lagu Galay Xiddiga Reer Brazil Ronaldinho.

Video: Mid Ka Mid Ah Taakaladii Ugu Xumaa Abid Oo Lagu Galay Xiddiga Reer Brazil Ronaldinho.

Waxaa Qoray:

Taariikh: 27-February-2013

article-2285223-18525A26000005DC-63_634x352

Ciyaaryahanka kooxda reer Argentina ee Arsenal Diego Braghieri ayaa mid ka mid taakaladii ugu xumaa ku sameeyay Ronaldinho kulan ka tirsanaa koobka Copa Libertadores oo dhacay shalayto.

Iyadoo ciyaarta ay labo daqiiqo ka harsan tahay, islamarkana uu ku jahwareersan yahay goolasha 5-2 ee kooxdiisa lagu hogaaminayo, daafaca Arsenal Braghieri ayaa taakal labada lugood ah laf dheerta ka saaray kubadsameeyaha kooxda Atletico Mineiro.

Ronaldinho ayaana ku dhawaa inuu jab soo gaaro, laakiin waa uu ka badbaaday, waxaana mid ka mid ah taageerayaasha muuqaalka soo geliyay You Tube uu ciwaan uga dhigay ‘Entrada criminal de Braghieri contra Ronaldinho’ (taasoo u dhiganta fal danbiyeed uu Bragheri kula kacay Ronaldinho).

Garsoore Martin Vazquez ayaana rigoore ka dhigay falkaas laakiin waxaa la yaab laheyd in garsooraha uusan bixin wax calaamad ah iskaba daa inuu ciyaaryahanka ka saaro garoonka.

Ronaldinho ayaa ku guuleystay inuu ka kaco islamarkaana uu u istaago rigoorada loo dhigay inkastoo uu birta ku dhuftay.

Ciyaarta ka dib, Ronaldinho ayaan wax carro ah u bandhigin ciyaaryahanka ka soo horjeeday, iyagoo isgacma qaaday.

Halkaan hoose ka daawa muuqaalka:

httpv://www.youtube.com/watch?v=wPXekQkmjRU

 

Fekradaada Facebook Ku Dhiibo Ama Qeybta Hoose Ee Fekradaha:

Fekradood ayaa laga bixiyay.