Home » Horyaalada » England » Jamaahiirta Arsenal Oo Ku Baaqay In Kooxda Ay U Isticmaasho Suuqa £123m Ee U Taala Keyd Ahaan.

Jamaahiirta Arsenal Oo Ku Baaqay In Kooxda Ay U Isticmaasho Suuqa £123m Ee U Taala Keyd Ahaan.

Waxaa Qoray:

Taariikh: 26-February-2013

249861hp2

Ururka ay ku mideysan yihiin taageerayaasha Arsenal ee Arsenal Supporters Trust (AST) ayaa ku baaqay in lacagta keydka u taala Arsenal ee kaashka ah in suuqa kala iibsiga lagu isticmaalo xagaaga ka dib markii Gunners ay ku dhawaaqday faa’ido muddo lix bilood ah.

Iyadoo Arsenal ay soo xareysay faa’ido gaareysa 17.8 milyan ginni oo muddo lix bilood ah oo ku ekeyd Novermber 2012, taasoo ku timid iibkii ay Robin van Persie ka iibiyeen Man United xagaagii, halka kooxda sidoo kale ay ku dhawaaqday in lacag kaash ah oo gaareysa 123 milyan ginni ay u taalo keydka, AST ayaana ku baaqday in lacagtaas dib loo geliyo kooxda oo lagu xoojiyo.

Afhayeen u hadlay AST ayaa yiri: “Lacagaha la soo bandhigay waa kuwa ay ku jiraan waxyaabo la yaab leh. Waxa ay soo bandhigeysaa mar kale in Arsenal ay faa’ido ka sameyso iibka ciyaartoydeyda ugu fiican, iyo in kooxda ay heysato lacag keyd ah oo balaaran.

“Taageerayaasha Arsenal ayaa gacan ka geystay dhaqaale wanaaga kooxda iyagoo bixinaya tikidhada ugu qaalisan kubada cagta adduunka. Xubaha AST waxa ay doonayaa in lacagtaas la isticmaalo oo kooxda lagu maalgeliyo.

“Natiijooyinka dhaqaale ee la soo bandhigay waxa ay muujinayaan in qiyaastii kooxda ay mushahar ku bxiiso sannadkii 150 milyan ginni. Laakiin go’aanada ciyaartoyda lagu maalgashanaya ma ahan kuwa keeni kara koox tartameysa.”