Home » Africa » Didier Drogba Oo Cusbitalka Ku Booqday Ciyaaryahan Uu Herdi Si Kama Ah Ugu Dhaawacay.

Didier Drogba Oo Cusbitalka Ku Booqday Ciyaaryahan Uu Herdi Si Kama Ah Ugu Dhaawacay.

Waxaa Qoray:

Taariikh: 26-February-2013

article-0-184CEABB000005DC-727_634x347

Xiddiga kooxda Galatasaray Didier Drogba ayaa cusbital ku booqday ciyaaryahan uu si kama ah madaxa ku herdiyay David Barral isniintii.

Ciyaaryahanka kooxda Orduspor Barral ayaa madaxa dhaawac uu ka soo gaaray markii uu si kama ah herdi ugala kulmay weeraryahanka Galatasaray iyagoo ku dagaalmayay kubad kooner aheyd.

Barral ayaana bukaan la roor lagu qaaday oo la dhigay cusbital ka dib markii ay xerada ganaaxa dhexdeeda iskula dhaceen Drogba, laakiin xiddiga reer Ivory Coast ayaa ku booqday cusbitalka ciyaarta ka dib.

article-2284697-184CB2A3000005DC-720_634x741

Galatasaray ayaana ka soo kabsaday labo gool oo looga hormaray iyagoo 4-2 kaga badiyay Orduspor, waxaana ay lix dhibcood hogaanka horyaalka kaga hayaan Fenerbahce.

Selcuk Inan ayaa gool uu iska dhaliyay hogaanka u dhiibay Orduspor, waxaana rigoore ugu labeeyay Bogdan Stancu.

Laakiin goolal ka yimid xiddigii hore ee Inter Milan Wesley Sneijder, labo gool oo uu dhaliyay Burak Yilmaz iyo gool kale kale oo uu dhaliyay Inan ayaa guusha siiyay Galatasaray.