Home » Latin America » Barcelona Oo Xaqiijisay Inay Isku Dayi Doonan Inay La Soo Wareegaan Xiddiga Santos Neymar.

Barcelona Oo Xaqiijisay Inay Isku Dayi Doonan Inay La Soo Wareegaan Xiddiga Santos Neymar.

Waxaa Qoray:

Taariikh: 26-February-2013

article-2284839-1763E116000005DC-640_468x293

Barcelona ayaa hogaamin doonta tartanka loo galayo saxiixa xiddiga Santos Neymar marka uu ugu danbeyn go’aansado inuu ka tago Brazil, sida uu sheegay madaxweyne ku xigeenka Barca Josep Maria Bartomeu.

Xiddiga reer Brazil ayaa ka mid ah xiddigaha loogu doondoonista badan yahay caalamka ka dib markii lagu qiimeeyay 55 milyan ginni.

Kooxaha Real Madrid, Manchester City, PSG iyo Bayern Munich ayaa sidoo kale ka mid ah kooxaha qiimeynaya xaalada 21 jirkaan, laakiin madaxweyne ku xigeenka Barca ayaa sheegay in kooxdiisa ay dalban doonto.

Isagoo u hadlayay jariirada AS, Bartomeu ayaa yiri: “Waa ciyaaryahan ay doonayaan kooxdeena farsamo, kooxdana waxa ay isku dayi doontaa inay la soo wareegto oo la soo saxiixato.

“Waxaa doonaya Neymar kala bar adduun weynaha.”

Neymar ayaa dhawaan talo ka helay Pele oo ku aadan inuu doorto Spain halkii uu ka aadi lahaa Germany ama England.