Home » Horyaalada » Spain » Real Madrid Oo Dooneysa Javier Hernandez Xilli Man United Isha Ku Hayso Lewandowski.

Real Madrid Oo Dooneysa Javier Hernandez Xilli Man United Isha Ku Hayso Lewandowski.

Waxaa Qoray:

Taariikh: 24-February-2013

hernanadez

Wargeyska Sunday Mirror ee ka soo baxa dalka Ingiriiska ayaa sheegaya in weeraryahanka kooxda Man United Javier Hernandez uu noqday hadafka koowaad ee Real Madrid kuwaasi oo si weyn u xiiseyanaya laacibkaasi.

Wargeyskaan ayaa sheegaya in madaxa Real Madrid Florentino Perez uu u arko laacibkaasi in uu aad u anfacayo xilli ciyaareedka dambe maadaama uu awoodo in kubada uu ku afjaro shabaqa ayna xooga saarayaan sidii ay u soo xero gilin lahaayeen.

Waxaa lala leeyahay waa suura gal in rabitaanka Real guuleysto maadaama Sir Alex uu dadaal ugu jiro weeraryahanka kooxda Borussia Dortmund Robert Lewandowski taasi oo ka qeyb galka Hernandez ka dhigeysa mid yar.

Javier Hernandez ayaa lagu waramayaa in uu dareemayo rajo beel maadaama Sir Alex uusan si toos ah ugu tiirsaneyn inkastoo uu dhaliyay 15 gool kulamadii yaraa ee uu saftay taasina waxa ay keeneysaa in uu ka huleelo kooxda xilli Rooney iyo Van Persie joogaan.