Home » Horyaalada » France » Marco Materazzi Oo U Cabsi Qaba Zlatan Ibrahimovic Hadii Jose Mourinho Uu Macalin Ka Noqdo PSG.

Marco Materazzi Oo U Cabsi Qaba Zlatan Ibrahimovic Hadii Jose Mourinho Uu Macalin Ka Noqdo PSG.

Waxaa Qoray:

Taariikh: 24-February-2013

248997hp2

Marco Materazzi ayaa shaki weyn geliyay in Jose Mourinho uu la shaqeyn doono Zlatan Ibrahimovic hadii Mourinho uu tabarare ka noqdo PSG.

Ibrahimovic ayaa ka tagay Nerazzurri, oo markaas uu tababarayay Mourinho, 2009kii waxa uu ku biiray Barcelona, waxaana Metarazzi uu ka hadlay ismaan dhaafkii heshiiskaas ee u dhaxeeyay labada nin.

“Hadii Mourinho uu PSG uu ku biiro, ma aqaano sida xaalada Ibrahimovic ay noqon doonto.” ayuu Materazzi u sheegay Repubblica Sport, markii wax laga weydiiyay wararka xanta ah ee tababaraha reer Portugal la xiriirinayay kooxda ka dhisan caasimada France.

“Kuma aysan kala tagin si fiican. Ibra waxa uu inooga dhaqaaqay anagoo tababar aan isagu diyaarineyno xilli ciyaareedka ku qaadaneyno Los Angeles isagoo ku biiray Barcelona.

“Waxaana uu u sheegay Cristian Chivu: ‘Aniga la’aanteey kuma aadan guuleysateen Scudetto’. Mourinho ayaa ku qabsaday warkaas oo ku yiri: ‘Waxaan doonayaa inaad ogaato inaan ku guuleysan karno wax walba adiga la’aantaa.’ Taas ayaana dhacday.”

Inter ayaana xilli ciyaareedkaas uu u ahaa mid guul ah madaama ay qaadeen Serie A, Coppa Italia iyo Champions League, waxaana Metarrazzi uu sidoo kale farta ku fiiqay in koox kasta oo uu Ibra ka tago inay islamarkiiba qaado koob.

“Xaqiiqdii waxaan ka cabsi qabaa in Milan ay ku guuleysato Champions League” ayuu yiri 39 jirkaan.

“Xaqiiqdii waa ay dhacday markii uu ka tagay Barcelona iyo Inter, markii Ibra uu baxo kooxda waxa ay qaadaa koob.”

Fekradaada Facebook Ku Dhiibo Ama Qeybta Hoose Ee Fekradaha:

Fekradood ayaa laga bixiyay.