Home » Africa » Sulley Muntari Oo Si Aad Ah Loogu Dhaleeceeyay Magaca Allah Iyo Aayad Quraan Ah Oo Jirkiisa Ku Shaabadeeyay.

Sulley Muntari Oo Si Aad Ah Loogu Dhaleeceeyay Magaca Allah Iyo Aayad Quraan Ah Oo Jirkiisa Ku Shaabadeeyay.

Waxaa Qoray:

Taariikh: 23-February-2013

436x328_29298_267752

Xidiga kooxda Milan Sulley Muntari oo dhaliyay goolkii labaad ee Milan kulankii Barcelona ayaa dadka ka yaabiyay ka dib markii jirkiisa uu ku soo qoray shabad ka kooban aayado qur`aan ah oo ay sii dheer tahay magaca Allaah iyo waliba qoraalo ingiriis iyo sawiro.

Xidigaas ayaa la arkay waxa uu jirkiisa ku soo qoray ka dib markii ay dhamaatay ciyaarta xiligaas oo uu siibtay funaanada kuna soo wareegay garoonka xiligaas oo si rasmi ah u soo muuqatay shabadaas iyadoo magaca Allaah oo weyn ka muuqatay dhanka midig ee xabadkiisa halka aayado quraan ahna ku sharaxay xabadkiisa.

Sulley Muntari ayaa la kulmay dhaleeceyn badan oo kaga tamid muslimiinta aduunka sababo la xariira in magaca Allaah iyo aayado qur`aan ah shabad ahaan jirkiisa ugu soo sameeyo , waxa ayna ku doodeen in uu soo bandhigay hab xun oo dileysa magac ciyaaryahan muslim ah, iyadoo ay tilmaameen in diinta islaamka aysan ogaleyn in jirka shabad lagu sameeyo .

Intaas kuma ekaan ee sidoo kale sawir haween ayuu isku soo sawiray taas oo uu saaray dhanka bidix ee jirkiisa iyadoo sawirkaasna lagu sheegay in uu yahay xaaskiisa oo sanadkii 2004-ta qaaday quruxda haweenka Ghana taasi oo sanado ka hor uu la xertay.

Aayada qur`aan ee uu isku soo qoray ayaa ah aayada 11-aad ee suurata Al-tagaabun:

(مَا أَصَابَ مِنْ مُصِيبَةٍ إِلا بِإِذْنِ اللَّهِ وَمَنْ يُؤْمِنْ بِاللَّهِ يَهْدِ قَلْبَهُ وَاللَّهُ بِكُلِّ شَيْءٍ عَلِيمٌ).

Sulley Muntari ayaa la xusayaa in dhaqaaqyo bani`aadanimo uu ku leeyahay dalkiisa Ghana iyadoo uu ka qeyb qaatay dhismaha masjid iyo goobo diinta lagu barto, illaa iyo haatan laacibka fal celis kama sameyn dhaleeceynta uu la kulmay .