Home » Africa » Adebayor: Inaan Ku Dhameysano Meel Ka Sareysa Arsenal Waxay Xaqiijinee Inaan Ku Saxnaa Inaan Ka Tago.

Adebayor: Inaan Ku Dhameysano Meel Ka Sareysa Arsenal Waxay Xaqiijinee Inaan Ku Saxnaa Inaan Ka Tago.

Waxaa Qoray:

Taariikh: 23-February-2013

229374hp2

Weeraryahanka kooxda Tottenham Emmanuel Adebayor ayaa doonaya inuu ka caawiyo kooxdiisa inay ku dhameystaan kaalinta 4aad oo ay ka sarre maraan kooxda ay xafiiltamaan ee London, isagoo sheegtay in taas ay cadeyn u noqon doonto inuu ku saxnaa inuu ka tago.

Weeraryahanka ayaa ka tagay Arsenal 2009kii isagoo markaas ku biiray Manchester City, laakiin ka dib markii uu ku guuldareystay inuu ka muuqdo Etihad Stadium waxa uu si rasmi ah xagaagii hore ugu biiray Tottenham.

Adebayor ayaa u sheegay Telegraph: “Qof walba waa ogyahay in xafiiltan aad u weyn uu u dhaxeeyo Arsenal iyo Spurs.

“Markii aan Arsenal joogay, shaqadeysa waxa ay aheyd inaan goolal u dhaliyo iyaga. Haatan waxaan joogaa Tottenham, waana inaan ka caawiyaa kooxda inay ku dhameysato kaalinta 4aad.

“Fursad weyn ayaan u heysanaa inaan xilli ciyaareedkan ku dhameysano meel ka sareysa Arsenal, waana inaan ka faa’ideysano.

“Xilli ciyaareedkii hore kulankii ugu danbeeyay ee tartan adag, waad ogtahay wixii dhacay. Ma dooneyno inaan sameyno qalad kaas la mid ah. Aniga ahaan waxa ay ii tahay fursad weyn oo aan dadka ku tusi karo inaan ku saxnaa inaan ka tago Arsenal, taasoo la micno ah inaan ku dhameysto meel iyaga ka sareysa. Hadii Tottenham aan meeshaas kula gaarayana kaba sii fiican.”

Labada kooxood ayaa ku kulmaya White Hart Lane 3da bisha March, markaasoo la filayo in taageerayaasha martida ah ee Arsenal ay ku ooriyaan ciyaaryahankoodii hore, si kastaba Adebayor ayaa sheegay inuusan waxaasi waxba u arag.

“Waxaan soo arkay dad horteyda ku dhimanaya. Sidaasi darteed in 30 kun taageerayaal igu ooriyaan, waxaan u qaadanayaa kaftan ahaan, waa qeyb nolosha ka mid ah”

Fekradaada Facebook Ku Dhiibo Ama Qeybta Hoose Ee Fekradaha:

Fekradood ayaa laga bixiyay.