Home » Champions League » Zlatan Ibrahimovic Oo Xalay Shaqo U Galay Si Uu U Daawado Kulankii Kooxihiisii Hore Ee Milan Iyo Barcelona.

Zlatan Ibrahimovic Oo Xalay Shaqo U Galay Si Uu U Daawado Kulankii Kooxihiisii Hore Ee Milan Iyo Barcelona.

Waxaa Qoray:

Taariikh: 21-February-2013

ibra-psg-teammates490ai

Zlatan Ibrahimovic ayaa xalay noqday farsamo yaqaan si uu u hubiyo isaga iyo asxaabtiisa kooxda PSG inay ku riyaaqaan kulankii Milan-Barcelona oo uu ka qasay TV cilad ay soo gashay.

Ibra, Javier Pastore iyo Ezequiel Lavezzi, ayaa casho isku raacay xalayto, si ay u daawadaan kulanka wareega 16ka ee u dhaxeeyay Milan iyo Barca.

Si kastaba, intii ay ciyaarta socotay cilad farsamo ayaa gashay TV-gii yiilay maqaaxidii ay ka cunteynayeen, taasoo keentay inay saameyn ku yeelato daawashada ciyaarta.

Laakiin ciyaaryahankii hore ee Milan iyo Barca Ibrahimovic ayaa arinta la wareegay oo xaliyay cilada sida ay maanta shaacisay RMC.

“Waxaa jiray dhibaato dhanka daawashada ah intii ay ciyaarta sooctay” ayuu milkiilaha maqaaxisa ‘Carlos’ u sheegay RMC.

“Signal-ka ayaa xumaa. Zlatan ayaana xaalada la wareegay oo sameeyay wixii ay aheyd in la sameeyo si ciyaarta loogu daawado si haboon.

“Waxa uu yahay farsamo yaqaan!”

Ibrahimovic ayaa waqti ku qaatay Barcelona ka hor inta uusan Milan labo sanno la joogin waxaana uu haatan ka ciyaarayaa PSG.

Fekradaada Facebook Ku Dhiibo Ama Qeybta Hoose Ee Fekradaha:

Fekradood ayaa laga bixiyay.