Home » Champions League » Lionel Messi Oo Weli Ku Dhibtoonaya In Kooxaha Serie A Uu Ka Dhaliyo Gool Aan Rigoore Aheyn.

Lionel Messi Oo Weli Ku Dhibtoonaya In Kooxaha Serie A Uu Ka Dhaliyo Gool Aan Rigoore Aheyn.

Waxaa Qoray:

Taariikh: 21-February-2013

messi-milan490ai

Ku guuldareysashadii Lionel Messi ee inuu shabaqa ka soo taabto kooxda AC Milan ayaa ka dhigeysa in rikoor aan looga baran oo dhanka gooldhalinta ah ee kooxaha Serie A ay weli u sii socoto.

Xiddiga reer Argentina ayaa ku dhibtooday inuu gabi ahaanba saameyn ku yeesho ciyaartii Blaugrana 2-0 looga badiyay ee San Siro ee lugta hore ee wareega 16ka Champions League.

Messi oo weli jabinaya rikooro ceyn walba ah islamarkaana isbuucii hore dhaafay 300 gool oo tartamada oo dhan ah, iyo isagoo sii dheereystay rikoorkiisa kulamada isku xigxiga ee La Liga ee uu shabaqa soo taabtay oo ay u mareyso 14 kulan. Hadana, marka uu wajahayo koox Talyaani ah, 25 jirkaan ayaa dhibtooda.

Kulankii shalay ee uu gool l’aanta kala soo laabtay San Siro ayaa ka dhigeysaa in Messi uu seddex gool kaliya ka dhaliyay kooxaha Serie A sagaal kulan oo tartan rasmi ah oo uu ka horyimid. Seddexdaas gool xitaa dhamaantood waa rigoore uu ka dhaliyay Milan, dhamaantoodna xilli ciyaareedkii hore, taasoo la micno ah in Messi uusan weli ciyaar furan gool ka dhalinin koox Talyaani ah.

Messi ayaa wajahay tartan rasmi ah kooxaha Milan, Inter iyo Udinese intii uu kubada cagta ciyaarayay, welina gool caadi ah oo aan aheyn rigoore kama uusan dhalin.

Fekradaada Facebook Ku Dhiibo Ama Qeybta Hoose Ee Fekradaha:

Fekradood ayaa laga bixiyay.