Home » Horyaalada » Italy » Fiorentina Oo Dooneysa Inay Weerarkeeda Ku Xoojiso Borini Iyo Osvaldo

Fiorentina Oo Dooneysa Inay Weerarkeeda Ku Xoojiso Borini Iyo Osvaldo

Waxaa Qoray:

Taariikh: 19-February-2013

furi

Agaasimaha ciyaaraha Fiorentina Daniele Prade ayaa sheegay inay doonayaan in kooxda ku soo daraan weeraryahanka Liverpool Fabio Borini iyo weeraryahanka kale ee Roma Pablo Osvaldo.

Inkastoo ay kooxda Fiorentina ay bishii Janaayo la soo wareegtay Giuseppe Rossi  ayay kooxda Fiorentina waxa ay weli doonaysaa in ay xoojiso weerarkeeda.

Borini iyo Osvaldo ayaa waxa ay hore uga wada tirsanaayeen kooxda Roma kahor inta uusan Borini u wareegin xaggaagii la soo dhaafay  Anfield, inkastoo uu Prade sheegay xiisaha ay u qabaan weeraryahanadan ayaa waxa uu qiray in aysan fududeyn in kooxaha ay ka tirsan yihiin  fasaxaan.

“Waxaan raadinaynaa weeraryahan baahi u qaba inuu goolal dhaliyo,weeraryahan u nool gaal dhalin,”ayuu u sheegay Radio Toscana.

“Waxaan jecel nahay Borini, laakiin waa mid adag in ay Liverpool ay fasaxdo Osvaldo? Uma malaynayo in Rome ay dooneyso in ay xoojiso koox ay xafiiltamaan balse wax walba waa ay dhici karaan.”

Kooxda Vincenzo Montella ayaa waxa ay ku jirtaa kaalinta lixaad ee Serie A, 13 dhibcood ayayna ka dambaysaa kooxda hogaanka hayso ee  Juventus, waxayna kooxdu dhalisay 45 gool xilli ciyaareedkan iyadoo ah kooxda afaraad ee ugu goolal dhalinbadan xilli ciyaareedkan.