Home » Latin America » FIFA Oo Ansixisay In Teknooloojiyada Xariiqda Goosha Loo Adeegsado Koobka Adduunka 2014 Ee Brazil.

FIFA Oo Ansixisay In Teknooloojiyada Xariiqda Goosha Loo Adeegsado Koobka Adduunka 2014 Ee Brazil.

Waxaa Qoray:

Taariikh: 19-February-2013

957134-15721502-640-360

FIFA ayaa shaaca ka qaaday inay ansixisay in teknooloojiyada xariiqda goosha in loo isticmaali doono koobka adduunka 2014 ee ka dhacaya Brazil.

Ururweynaha kubacada cagta adduunka ayaa sheegay in teknooloojiyadan sidoo kale loo isticmaali doono koobka Confederations Cup ee sannadkan isna lagu qabanayo Brazil ka dib markii lagu guuleystay tijaabadii la marsiiyay teknooloojiyada xariiqda goosha koobkii Club World Cup ee ka dhacay Japan bishii December.

Labada shirkadood ee Hawkeye iyo GoalRef ayaa ilaa iyo haatan la shaqeeya FIFA kuwaasoo loo adeegsaday Club World Cup, halkaasoo ay aheyd meeshii ugu horeysay ee tartan rasmi ah loo adeegsado teknooloojiyada xariiqda goosha.

Warbixin ay FIFA soo saartay ayaa lagu yiri: “Ka dib markii lagu guuleystay dhaqan gelinta Teknooloojiyada xariiqda goolka FIFA Club World Cup bishii December 2012, FIFA waxa ay go’aansatay inay aaladaan u isticmaalo FIFA Confederations Cup Brazil 2013 iyo 2014 FIFA World Cup Brazil.”

Aaladan ayaa loogu talo galay in lagu saacido garsooraha si meesha looga saaro muranka la xiriira in kubada ay gudubtay xariiqda goolka iyo in kale.