Home » Horyaalada » England » Edin Dzeko Oo Doonaya Inuu Ku Laabto Jarmalka Xitaa Hadii Mushaharkiisa Qiimo Dhimis Lagu Sameynayo.

Edin Dzeko Oo Doonaya Inuu Ku Laabto Jarmalka Xitaa Hadii Mushaharkiisa Qiimo Dhimis Lagu Sameynayo.

Waxaa Qoray:

Taariikh: 19-February-2013

Capture

Edin Dzeko ayaa doonaya inuu aqbalo in mushaharkiisa uu dhimo si uu 20 milyan ginni xagaaga ugu dhaqaaqo kooxda Borussia Dortmund, sida ay ku warameyso jariirada The Sun.

Dzeko oo 26 jir ah ayaa waxa uu haatan isbuucii ka qaataa Manchester City 120 kun ginni, laakiin weeraryahanka ayaa ku jahwareersan Sky Blues madaama uusan boos joogta ah ka heysan kooxda.

Kooxda horyaalka Jarmalka ayaana lagu soo waramayaa inuu ku biiri doono hadii fursad uu u helo, halkaasoo uu ka heli karo boos joogta ah.

26 jirkaan ayaa City kaga soo biiray Wolfsburg labo sanno ka hor iyagoo ku soo iibsaday 27 milyan ginni.

Waxa uu dhaliyay 16 gool tartamada oo dhan xilli ciyaareedkan, laakiin waxa uu tartan adag kala kulmayaa Carlos Tevez iyo Sergio Aguero.

Dortmund ayaa dooneysa Dzeko iyagoo u arka bedelka Robert Lewandowski kaasoo la filayo inuu xagaaga ka tago Dortmund islamakraana ku biiro Bayern Munich.

Kooxda Jarmalka ayaa dooneysa inay Lewandowski ka iibiso koox ajnabi ah sida Man United laakiin ciyaaryahanka reer Poland ayaa shakhsi ahaan xiiseynaya Bayern.

Fekradaada Facebook Ku Dhiibo Ama Qeybta Hoose Ee Fekradaha:

Fekradood ayaa laga bixiyay.