Home » Africa » Didier Drogba Oo Kulankiisii Ugu Horeysay Ee Galatasaray Gool Kula Dabaaldegay.

Didier Drogba Oo Kulankiisii Ugu Horeysay Ee Galatasaray Gool Kula Dabaaldegay.

Waxaa Qoray:

Taariikh: 16-February-2013

article-2279394-179C8C2F000005DC-804_634x447

Didier Drogba ayaa kula soo laabtay kubada cagta qaarada yurub gool isagoo kulankiisii ugu horeysay ee kooxda Galatasaray gool kula dabaaldegay shan daqiiqo ka dib markii uu kursiga keydka ka soo kacay.

Weeraryahanka reer Ivory Coast ayaa shabaqa soo taabtay kulankii ay 2-1 Galatasaray kaga badiyeen kooxda Akhisar Belediyespor, waxaana uu ahaa goolkiisii ugu horeysay ee Yurub uu ku dhaliyo tan iyo finalkii Champions League ee 2012.

article-2279394-179C8C63000005DC-452_634x419

Drogba ayaa kubad madax aheyd oo xoogan u dhaliyay Galatasaray oo uu hogaanka u dhiibay daqiiqadii 68aad, ka hor inta uusan labo daqiiqo ka dib goolka kale u dhalin kooxda Gala Yilmaz.

Drogba ayaa sideed sanno ku qaatay Chelsea, waxaana uu ka tagay Stamford Bridge xagaagii hore, isagoo xilli ciyaareedkiisii ugu danbeeyay kooxda la qaaday Champions League iyo FA Cup.