Home » Horyaalada » Italy » Diego Milito Oo La Filayo Inuu Garoomada Ka Maqnaado Inta Ka Dhiman Xilli Ciyaareedkan.

Diego Milito Oo La Filayo Inuu Garoomada Ka Maqnaado Inta Ka Dhiman Xilli Ciyaareedkan.

Waxaa Qoray:

Taariikh: 15-February-2013

954709-15692404-640-360

Gooldhaliyaha kooxda Inter Milan Diego Milito ayay u badan tahay inuu garoomada ka maqnaan doono inta ka dhiman xilli ciyaareedkan ka dib markii dhaawac halis ah uu ka soo gaaray jilibka kulankii ay 2-0 kaga badiyeen CFR Cluj ee Europa League.

Ciyaaryahanka reer Argentina oo dhaliyay labadii gool ee finalka ee markii Inter ay ku guuleysaneysay Champions League sannadii 2010, ayaa dhawaan ka soo laabtay dhaawac, waxaana ka qubaneysay ilmo markii laga saarayay garoonka San Siro ka dib lix daqiiqo oo ay ciyaarta socotay.

“Jab ayaa ka soo gaaray jilibka waa dhaawac ku cusub Diego, dhaawaciisa haatan wax xiriir ah lama lahan dhaawacyadiisii hore” ayuu tababare Andrea Stramaccioni u sheegay saxaafada ka dib ciyaarta.

“Waan u murugooneynaa Diego shaqsi ahaa iyo ciyaaryahan ahaanba. Waxaan u baahanahay inaan aragno xilliga uu qaliin mari doono.”

Ciyaaryahanka ay isku wadanka yihiin Rodrigo Palacio oo bedelay Milito ayaana Inter u dhaliyay labadii gool ee ay ku badiyeen.

Inter ayaa kaalinta 4aad kaga jirta horyaalka Serie A, waxaana ay wajihi doonaan seddex bilood oo horyaalka ka dhiman oo uu ka maqan yahay gooldhaliyahooda rasmiga ah.

Fekradaada Facebook Ku Dhiibo Ama Qeybta Hoose Ee Fekradaha:

Fekradood ayaa laga bixiyay.