Home » Africa » England Oo Kaalinta 4aad Soo Gashay Iyo Nigeria Oo Kaalinta 30aad Soo Tiigsatay Qiimeynta Bilaha Xulalka Adduunka.

England Oo Kaalinta 4aad Soo Gashay Iyo Nigeria Oo Kaalinta 30aad Soo Tiigsatay Qiimeynta Bilaha Xulalka Adduunka.

Waxaa Qoray:

Taariikh: 14-February-2013

950199-15638284-640-360

Xulka Spain ayaa weli iska heysta hogaanka qiimeynta bilaha xulalka adduunka, iyadoo kaalinta labaad ay ku jirto xulka Jarmalka qiimeynta bilaha ee kala sareynta xulalka adduunka ee bishaan.

Xulka Argentina ayaa iyagana weli baaqi ku ah kaalinta 3aad, halka England ay labo boos kor u soo kacday ka dib guushii ay Brazil ka gaartay ciyaartii saaxiibtinimo ee Wembley ka dhacday waxaana ay soo galeen kaalinta 4aad.

Xulka Italy oo afaraad ku jiray ayaana hoos u dhacay hal boos ka dib markii ay barbaro kala kulmeen Holland kulankoodii ugu danbeeyay ee ciyaar saaxiibtinimo.

Dhanka qaraada Afrika xulka Ivory Coast ayaa u soo kacay kor labo boos iyagoo soo galay kaalinta 12aad, inkastoo ay ku guuldareysteen mar kale inay hantaan koobka qaramada Afrika.

Nigeria oo qaaday koobka qaramada Afrika ayaana kor u soo kacday 22 boos waxaana ay soo gashay kaalinta 30aad ka dib guushoodii South Afrika.

QIIMEYNTA FIFA- February 2013

1-Spain

2-Germany

3-Argentina

4-England

5-Italy

6=-Colombia

6=-Portugal

8-Netherlands

9-Croatia

10-Russia

Wadamada kale ee la tilmaami karo iyo kaalimada ay ku jiraan:

16 – Uruguay

17- France

18- Brazil

19 – Ghana

203 – Somalia

204 – Jabuuti