Home » Horyaalada » Spain » Aabaha Dhalay Xavi: Mourinho Waxa Uu Isku Dayay Inuu Kala Gooyo Saaxiibtinimada Xavi Iyo Casillas.

Aabaha Dhalay Xavi: Mourinho Waxa Uu Isku Dayay Inuu Kala Gooyo Saaxiibtinimada Xavi Iyo Casillas.

Waxaa Qoray:

Taariikh: 04-July-2012

Aabaha dhalay Xavi Hernandez ayaa sheegay in tababaraha reer Portugal ee kooxda Real Madrid Jose Mourinho inuu isku dayay inuu kala jaro xiriirka saaxiibtinimo ee shaqsiga ah ee ka dhaxeeya wiilkiisa Xavi iyo kabtanka Spain iyo Real Madrid Iker Casillas.

Mourinho ayaa lagu eedeynayay inuu kala qoqobnaan xoogan dhexgeliyay ciyaartoyda Barcelona iyo Real Madrid tan iyo intii uu Saintiago Bernabeu macalin ka noqday, waxaana ciyaaraha El Clasico ay noqdeen kuwa xamaasadeysan oo ciyaaryahanada labada dhinac ay si aad ah isagu dhacaan.

Waxaana uu sheegay aabaha dhalay Xavi in ay dhowr jeer isku xumaadeen Casillas iyo Mourinho sababo la xiriira saaxiibtinada goolhayaha kala dhaxeysa Xavi.

Isagoo u hadlayay jariirada Marca waxa uu yiri: “Tan iyo markii uu imaaday Mourinho waxaa jiray dhibaatooyin kala dhaxeeyay Casillas, waana naqaanaa waxa ay aheyd, sababtoo ah Xavi iyo Iker ma aysan dooneynin marnba inay jaraan xiriirkooda saaxiibtinimo”.

Waxa uu intaasi ku daray: “Hadii uusan wanaagsanaan laheyn xiriirka ka dhaxeeya Xavi iyo Casillas uma suurtagali laheyn xulka qaran in si fiican ay u guuleystaan. Labada laacib waa saaxiibo xiriir fiican ka dhaxeeyo, waxayna ku dhawaadeen inay waayaan saaxiibtinimadaas”.

 

Fekradaada Facebook Ku Dhiibo Ama Qeybta Hoose Ee Fekradaha:

Fekradood ayaa laga bixiyay.