Home » Horyaalada » Spain » Real Madrid Iyo Barcelona Oo Ku Balansan Wareega 8da Ee Copa del Rey, Hadii Ay Ka soo Gudbaan 16ka.

Real Madrid Iyo Barcelona Oo Ku Balansan Wareega 8da Ee Copa del Rey, Hadii Ay Ka soo Gudbaan 16ka.

Waxaa Qoray:

Taariikh: 23-December-2011

\"\"

Kooxda heysata koobka boqorka ee Real Madrid iyo kooxdii finalka ka gaartay ee Barcelona ayaa laga yaabaa inay bisha danbe ku kulmaan wareega 8da ee Copa del rey ka dib markii maanta oo jimce ah la soo saaray isku aadka wareega 16ka.

Hadii Real Madrid ay soo dhaafto Malaga labada lug ee wareega 16ka ee ay ciyaarayaan 4ta Janaayo iyo 11ka Janaayo, sidaasi oo kalena ay Barcelona soo dhaafto Osasuna, markaas waxaa wareega 8da isku haleeli doona kooxaha xafiiltanka ba\’an uu ka dhaxeeyo oo labo lug wada ciyaari doonta 18ka Janaayo iyo 25 Janaayo.

\”Inaad noqotid horyaal waa inaad garaacdaa dhamaan kooxaha oo dhan, hadii ay yihiin kuwa hoose ama kuwa ugu fiican\” ayuu agaasimaha kubada cagta Real Madrid Miguel Pardeza u sheegay websiteka kooxdiisa.

\”Kama fekereyno haatan kulanka macquulka ah ee Barca, waxaan diirada saareynaa kulanka aan la ciyaareyno Malaga\” ayuu yiri.

Isku aadkii la qabtay ee wareega 16ka Copa del Rey sidoo kale waxaa isku soo aaday  Valencia iyo Seviila, halka Real Sociedad ay ku dhaceyso kooxda Real Mallorca.

Kooxda heerka seddexaad ee Albacete oo soo garaacday Atletico Madrid arbacadii ay ku dhici doonto Athletic Bilabo, Mirandes oo iyadana heerka seddexaad ah ayaa waxa ay qaabili doontaa Racing Santander, Alcoron iyo Cordoba oo heerka labaad ah waxa ay ku kala dhici doonaan Levante iyo Espanyol.

Real Madrid ayaa koobkan xilli ciyaareedkii hore 1-0 kaga qaaday Barcelona, gool uu madax ugu dhaliyay xiddigooda Cristiano Ronaldo.

Waxa uu ahaa koobka kaliya ee uu Jose Mourinho u qaaday Real xilli ciyaareedkiisii ugu horeeyay, iyadoo Barcelona ay ku guuleysatay markii seddexaad oo isku xigta La Liga, halka ay markii labaad muddo seddex sanno ah ku guuleysatay Champions League.

\"\"

Isku aadka wareega 16ka:

Real Madrid vs Malaga

Barcelona vs Osasuna

Valencia vs Sevilla

Alcoron vs Levante

Cordoba vs Espanyol

Mirandes vs Racing

Albacete vs Athletic

R. Sociedad vs Mallorca